- O municipio acaba de pasar á fase amarela segundo os últimos datos publicados pola Xunta de Galicia.
- Os populares solicitarán ao goberno local que publique de forma oficial os datos de contaxio e que incremente a higienización de edificios municipais e lugares máis frecuentados.
Ponteareas, 09 de outubro de 2020.- O Grupo Municipal do PP solicitará ao bipartito municipal que publique en páxina web e redes sociais do consistorio os datos en relación ao número de casos positivos e a evolución da curva en Ponteareas.
“Acabamos de entrar en fase amarela, o que quere dicir que existen no municipio entre 7 e 13 contagios novos. Parece que esta segunda onda está a avanzar máis rápido que a de marzo e abril. Por tanto, para evitar contaxios e un confinamento total, debemos previr e concienciar á sociedade de que o virus segue aí e está a avanzar con rapidez”.
Os populares consideran urxente e necesario que o Concello incremente os traballos de limpeza e higienización de edificios municipais, prazas e rúas máis transitadas para evitar unha propagación maior desta enfermidade.
