O PP SOLICITA INFORMACIÓN INMEDIATA ANTE A NOTICIA COÑECIDA A TRAVÉS DA PRENSA DE QUE “PECHAN O AUDITORIO MUNICIPAL”.

  • Os populares presentan por rexistro un documento no que solicitan información referente a se existe un informe técnico municipal que aconselle o peche e todos aqueles informes emitidos durante o últimos seis anos en referencia a estas supostas deficiencias.
  • “Tamén queremos saber se efectuáronse reclamacións á empresa que realizou a reforma, cando se termina a garantía da mesma e se durante estes anos fixeron correctamente os traballos de mantemento”.
  • “No caso de que os informes advertisen do risco, solicitaremos tamén responsabilidades públicas por permitir durante estes últimos anos a instalación de carpas, estruturas de iluminación e outro tipo de elementos que puidese danar máis a cuberta e poñer en perigo aos veciños coa celebración de eventos nese espazo”.

Ponteareas, 12 de marzo de 2021.- O Grupo Municipal do PP será o primeiro en esixir responsabilidades políticas a quen corresponda se os informes municipais demostran que a cuberta do auditorio municipal leva anos deteriorada, permitíndose a celebración de actos na devandita instalación que supoñía, por tanto, un perigo público para os alí presentes.

“Nos últimos anos todos utilizamos esta instalación. Mesmamente nas eleccións do 2019 e recentemente antes da pandemia coa actividade de cinema na que entraban familias enteiras con menores. Se o que hoxe explica o Goberno na prensa é certo, se a cuberta leva anos deteriorada como para abocar a pechar a instalación, que por outra banda agora mesmo, debido á pandemia atópase fóra de uso, sería moi grave que se permitiran actos de toda índole no mesmo”, explican os populares

No documento rexistrado esixen explicacións de todo tipo. “Se existe informe que aconselle este peche, cantos informes previos existen advertindo da situación, que mantementos realizáronse no últimos seis anos de goberno bipartito, cantas reclamacións realizaron á empresa que fixo a reforma, cando se termina o prazo de garantía facilitado pola devandita empresa. “A maiores de todo isto, queremos coñecer se tiveron en conta a situación e se xa se advertiu ao Goberno local de que non se podían instalar na cuberta elementos pesados como carpas e torres de iluminación, para os cales parece ser que non está habilitado, nin foi pensada esa superficie. Se o Goberno era coñecedor de todo isto, é moi grave”.

Por último, os populares queren coñecer que tipo de mantemento realizouse e se cando se informou do problema estableceuse un calendario de actuación para liquidar estas deficiencias na cuberta. “Descoñecemos desde cando o Goberno ten estes informes, entendemos que todo o período de Estado de Alarma no que nos atopamos é un momento idóneo para realizar este tipo de obras, xa que a actividade actual é nula, debido ás restricións, pero polo que nos contaron comerciantes e traballadores municipais, no Auditorio non se volveu a investir nin un euro desde que non Goberna o PP. Despois de seis anos gobernando estaría ben que se preocupasen dunha das instalacións máis importantes que temos no noso pobo. Menos subirse o salario e máis investimento en infraestruturas”, reclama o PP.