Castelao

O PP ESIXE AO ALCALDE A LIMPEZA DAS PARCELAS ONDE SE ACUMULAN OS ESCOMBROS DAS OBRAS QUE REALIZA O CONCELLO

  • En Ponteareas están empregándose para a acumulación de escombro determinadas parcelas, vertendo nelas restos de formigón, plásticos e recortes de asfalto, incumprindo así a lexislación vixente en materia de residuos.

Ponteareas, 22 de maio de 2020.- O Grupo Municipal do PP lémbralle ao alcalde, Xosé Represas, que desde hai meses están a acumularse escombros, de obras municipais, en varias parcelas situadas no Concello de Ponteareas.

“O material vertido procede de obras municipais e ten que ser tratado como cómpre. A creación destes vertedoiros improvisados están a xerar malestar entre os veciños e pode derivar en problemas de insalubridad”, denuncian os populares.

O PP solicita que se proceda canto antes a “ desescombrar esas zonas, en concreto a que está situada en Avda Castelao. “Ademais do prexuízo de saúde que poidan provocar, a provisión destes materiais dificulta aínda máis o problema de aparcadoiro existente no centro do municipio, en concreto nesta zona”.

Por outra banda, “no caso da parcela preto de Fontenla, próxima ao Cemiterio Municipal de Ponteareas, o entullo xa supera varios metros de altura e está a xerar malestar veciñal xa que esa zona era utilizada como un ‘parque forestal’ como área de xogo e esparexemento”.

Os populares, alertados por un grupo de veciños, comprobaron como alí deposítanse pedras, terra, restos de formigón, algún plástico e mesmo grandes recortes de asfalto, que segundo a lexislación vixente de residuos tanto estatal como autonómica, no caso destes últimos, ten que realizarse a provisión destes materiais coa correspondente autorización ambiental por tratarse dun residuo perigoso.

A voceira popular, Belén Villar e a edil, Silvia F. Táboas, visitaron as dúas zonas.

“Os veciños trasladaron este problema ao alcalde e ao Goberno local pero non recibiron nin resposta nin solución. Desde o PP esiximos que se proceda inmediatamente á limpeza destas zonas e que se cumpra a lei en materia ambiental”.

This Post Has One Comment

  1. Felix Gotchy

    Have you ever thought about including a little bit more than just your articles? I mean, what you say is fundamental and everything. However imagine if you added some great images or videos to give your posts more, «pop»! Your content is excellent but with images and video clips, this website could definitely be one of the best in its field. Fantastic blog!

Deja una respuesta

Tu dirección de correo electrónico no será publicada.