Reunión San Mateo

Belén Villar reúnese cos membros do club de fútbol San Mateo para anunciarlles que solicitou que se dote de herba sintética ao campo do Cruceiro

Ponteareas, 15 de febreiro de 2019.- A candidata do PP á Alcaldía de Ponteareas, Belén Villar, reuniuse cos membros do Club Sporting San Mateo para trasladarlles a súa preocupación polo estado do campo e anunciarlles que instarán ao alcalde a que se implique na súa mellora.

Así, o Partido Popular presentou unha moción, que será debatida no próximo pleno extraordinario, para instar ao alcalde a que inclúa no Plan Concellos 2018-2019 unha partida suficiente para a dotación de herba sintética de última xeración ao campo de fútbol do Cruceiro San Mateo en base ao acordo unánime de toda a Corporación municipal. En caso de non incluíla, ínstase ao alcalde a que no Orzamento municipal para 2019 exista unha partida suficiente para esta dotación.

Belén Villar lembra que, en febreiro de 2017, a Corporación municipal de Ponteareas aprobaba unha moción presentada polo PP na que se instaba á Deputación provincial a dotar de herba sintética a este campo de fútbol, co obxectivo de cubrir as necesidades do Club Sporting San Mateo e completar así o complexo lúdico deportivo iniciado anos atrás polos distintos colectivos sociais da parroquia e a colaboración do Concello. Transcorridos preto de dous anos desde a adopción deste acordo, en abril de 2018, Belén Villar, en calidade de deputada provincial, preguntaba ao grupo de Goberno da Deputación se se ía acometer esta mellora. A institución provincial remitiuse ao Plan Concellos. Un ano despois nada se fixo, e, por isto, o PP presenta esta moción.

Por outra parte, os membros deste club de fútbol que se reuniron con Belén Villar, trasladaránllolle o seu desánimo polas nulas actuacións do goberno municipal e as súas promesas incumpridas durante estes anos.